Дэлхийд ховордоод буй мазаалайг хамгаалахад бүх нийтийн анхаарлыг хандуулах зорилготой “Мазаалай цом 2017” тэмцээн хоёр дахь жилдээ зохион байгуулагдах гэж байна.
Тодруулбал, Монголын бартаат замын авто спортын холбооны цомын аварга шалгаруулах тус тэмцээн ирэх амралтын өдрүүдэд буюу энэ сарын 3,4-нд Морингийн даваанд болох юм. Тус тэмцээн дөрвөн ангиллаар аваргуудаа тодруулна. Үүнд:
Сонирхогчийн ангилал буюу TR1
Мэргэжлийн ангилал буюу TR3
Truck ангилал буюу Том оврын автомашин 4*4, 6*6
UTV ангилал гэсэн дөрвөн ангиллаар зохиогдоно.
Тэмцээний эхний өдөр сонирхогчийн болон utv ангилал болох бол хоёр дахь өдөр Мэргэжлийн болон Truck ангиллын аваргууд тодорно. Тус тэмцээний хамтран зохион байгуулагчаар “Зөв Монгол Ирээдүй” төрийн бус байгууллага, Цагдаагийн Ерөнхий газар ажиллаж байгаа аж.