Амны хаалт нь амьсгалын замаар гадагшилж буй халдвар үүсгэгчийг хязгаарлах үүрэгтэй. Өөрөөр хэлбэл амьсгалын замын халдварт өвчнөөс урьдчилан сэргийлэх, тархалтыг бууруулах арга хэмжээний нэг нь амны хаалт хэрэглэх явдал юм. Амны хаалтыг зөв зүүж сурснаар та өөрийгөө болон гэр бүлийнхнээ элдэв халдварт өвчнөөс хамгаалж чадна.
Амны хаалт хэрэглэхэд анхаарах зүйлс:
- Зөв зүүх
- Зөв тайлах
- 2 цаг тутамд болон бохирдсон тухай бүр солих
- Зүүсэн амны хаалтны гадна хэсэгт аль болох гар хүрэхгүй байх
- Нэг удаагийн амны хаалтыг бохирдсон тохиолдолд шууд хаях
- Амны хаалт сольсны дараа гараа заавал савандаж угаах эсвэл спиртэн суурьтай гар халдваргүйжүүлэгч хэрэглэх
- Даавуун амны хаалтыг солих бүртээ 40-өөс дээш хэмийн халуун усанд савандаж угааж, индүүдэх
- Өдөрт дунджаар 4-5 ширхэг амны хаалт сольж хэрэглэх
- Амны хаалт чийгтэй болсон даруйд шинээр солих
- Цэвэр болон бохирдсон амны хаалтыг хольж болохгүй.
Өнөөдрийн байдлаар “КОВИД-19”-ийн 575 шинэ тохиолдол бүртгэгдлээ. Иймээс иргэд та бүхэн халдвар хамгааллын дэглэмээ сахин халдвараас урьдчилан сэргийлэхийг НИТХ-аас уриаллаа.