Өнөө өглөө нэгэн иргэн байшин дээрээс үсэрч амиа хорлохыг завдлаа. Тодруулбал, Нийслэлийн СХД-ийн 13 дугаар хороо, Өнөр хорооллын VIII байрны дээврээс иргэн үсэрч амиа хорлохоор завдсаныг Нийслэийн Онцгой байдлын газрын зургаан аврагч шуурхай ажиллаж аварсан байна.
Эх сурвалжийн мэдээлснээр өглөөний 06.30 цагт согтуу иргэн байрны дээвэр дээр гарчихсан байсан бөгөөд байрны гадаа салхилж байсан ахмадууд цагдаагийн байгууллагад дуудлага өгсөн байна. Онцгой байдлын аврагчид иргэнийг тайвшруулахаар хоёр цаг гаруй ярилцсан ч хүлээж авахгүй, уйлсаар байсан ч эцэст нь тайвшруулж эсэн мэнд буулган, ар гэрийнхэнд нь хүлээлгэн өгөөд байгаа аж. Энэ талаар Аврах ангийн эх сурвалжаас тодруулахад “Дөнгөж сая буулгасан болохоор илүү дэлгэрэнгүй мэдээлэл ирээгүй байна. Иргэн согтуу байсан” гэсэн мэдээлэл өглөө.
