“Mongolia’s next top model” /MNTM/ нэвтрүүлгийн оролцогч, загвар өмсөгч Ч.Чамин-Эрдэнэ зуурдаар амиа алдсан талаар мэдээлсэн билээ.
Хэргийг Хан-Уул дүүргийн цагдаагийн хэлтсээс шалгаж байна. Тодруулбал, Цагдаагийн ерөнхий газрын Мэдээлэл шуурхай, удирдлагын төвийн утсанд аравдугаар сарын 24-ний шөнө ийм харамсалтай хэрэг бүртгэгдсэн. Талийгаач Ч.Чамин-Эрдэнэ өндөр барилгаас доош унасан байдалтай олдсон талаар анхны дуудлага ирсэн байдаг. Цагдаагийн байгууллагаас урьдчилсан байдлаар гадны нөлөөгүй амиа хорлосон гэх дүгнэлтийг гаргасан. Гэхдээ ар гэрийнхэн болон найз нөхөд нь гадны нөлөөтэй амиа алдсан гэх мэдээллийг гаргаад байгаа юм. Уг хэрэг явдал Хан-Уул дүүргийн 15-р хороонд байрлах “К H Apartment” хотхонд гарсан бөгөөд түүнийг 11 давхраас түлхэж унагасан уу, эсвэл амиа хорлосон уу гэдгийг шүүхийн шинжилгээний дүгнэлтээр гарах бөгөөд тэр болтол янз бүрийн ташаа мэдээлэл тараахгүй байхыг ар гэрийнхэн нь хүсчээ. Шүүх эмнэлгийн дүгнэлт 21 хоногийн дараа гарах юм байна