NBA-гийн плэ-оффын эхний шатны тоглолт өнөөдөр эхэллээ. Өрнөд бүсийн хоёрдугаар байраар гарсан аваргаа хамгаалагч Голдэн стэйт Варриорс, Сан-антониа Спүрстэй эхний тоглолтоо хийж 113-92-ын харьцаатай буулган авч цуварлыг тэргүүлж эхэллээтус тоглолтод дайчдын хамгаалагч Клэй Томпсон 27 оноог 84 хувийн гүйцэтгэлтэй үзүүлж багаа ялалтад хөтлөв.
Мөн тус бүсийн зургаагаар гарсан Нью Орлэанс Пэликансчууд гурваар гарсан Портланд Трэй Блэйзэрсчуудыг талбайд нь 97-95-аар яллаа. Болжморуудын лидэр Энтони Дэвис 35 оноо, 14 самбараас бөмбөг авалтаар багаа тэргүүлсэн бол хамгаалагч Жрү Холидэй тоглолтын сүүлийн мөчид гайхалтай тоглолт үзүүлсэн юм.
Харин Дорнод бүсийн тэргүүн баг Торонто Рэпторсчууд Вашингтон Визардсыг талбай дээрээ 114-106-ийн харьцаатай буулган авлаа. Тэд багаараа гайхалтай байж зургаан тоглогч 10-аас дээш оноо түүж эхний ялалтаа хүрсэн юм. Харин гурваар гарсан Филидэлфа 76-чууд багийн лидэр Жоэл Эмбийдийн эзгүйд Миами Хитийг130-103-ийн харьцаатай бут ниргэв. Шинэ тоглогч Бэн Симмонс 17 оноо, 9 самбараас бөмбөг авалт, 14 оновчтой дамжуулалтаар багаа тэргүүллээ.