АНУ-ын Бригам Янгийн их сургуулийн “Вайнд симфони” үлээвэр найрал хөгжмийн оркестр Монголд сонгодог урлаг сонирхогч, судлаач, хөгжмийн шүүмжлэгч, иргэд, олон нийтэд зориулан хоёр өдөр тоглохоор Улаанбаатарт иржээ. Азийн орнуудаар аялан тоглож буй уг оркестр Дональд Петерсоны удирддага дор өнөөдөр, маргааш Монголын үзэгчдэд зориулан “Тусгаар тогтнолын ордон”-д уран бүтээлээ толилуулах юм. Энэ нь “Найрсаг Улаанбаатар” арга хэмжээний хүрээнд явагдаж байгаа үйл ажиллагаатай давхцаж буйгаараа онцлог юм байна.