Монгол Улс болон Америкийн Нэгдсэн Улсын хооронд дипломат харилцаа тогтоосны 35 жилийн ой энэ жил тохиож буй. Тэгвэл Элчин сайдын яамны зүгээс ойн баяраа тэмдэглэн “Америкийн өдрүүд” соёл, урлаг, боловсролын цуврал арга хэмжээг зургадугаар сарын 15-наас 30-ны хооронд Монгол Улсын Засгийн газар болон хамтрагч түншүүдийн дэмжлэгтэйгээр зохион байгуулахаар болжээ. Эдгээр арга хэмжээнүүд бүгд олон нийтэд нээлттэй бөгөөд үнэ төлбөргүй аж.
- 6-р сарын 15-19-ний өдрүүдэд Тэнгис кино театрт Америкийн баримтат кино өдрүүд
- 6-р сарын 15-16-ны өдрүүдэд NASA-гийн инженер асан, STEMBoard технологийн компанийг үүсгэн байгуулагч Аиша Бөү-ийн хэлэлцүүлэг, уулзалтууд
- 6-р сарын 21-24-ний өдрүүдэд Америкийн төвд соёл боловсролын талаарх танилцуулга
- 6-р сарын 26-30-ны өдрүүдэд Америкийн цэргийн хамтлаг Улаанбаатар болон Дархан хотноо тоглолт хийхээр тус тус товлогдоод байна.
