Ерөнхийлөгч Владимир Путин өнгөрөгч 27-ны Пүрэв гарагт “ОХУ химийн зэвсгээ бүрэн устгаж дууслаа. Харин АНУ гэрээгээ биелүүлэхгүй, химийн зэвсгээ устгахад хойрог хандаж байна” гэж мэдэгдсэн билээ. Энэхүү мэдэгдлийн дараа АНУ-ын Төрийн Департамент “Санхүүгийн бэрхшээл байгаа боловч 2023 он гэхэд АНУ бүх химийн зэвсгээ устгаж дуусна” гэж хариу мэдэгдсэн юм. Тэгвэл Панамын ГХЯ дэлхийн II дайнаас үлдсэн АНУ-ын химийн зэвсгийг устгаж эхэлсэн тухайгаа зарлав. Панамын Сан-Хосе арал дээр байгаа химийн зэвсэг устгах ажлыг АНУ-ын мэргэжилтэнгүүдтэй хамтран өнгөрсөн нэгдүгээр сараас эхэлсэн юм байна.