Америкийн Калифорнийн их сургуулийн эрдэмтэд хүний бодлыг тайлж уншдаг нэг төрлийн имплантан төхөөрөмж бүтээх туршилт хийж байгаагаа албан ёсоор зарлалаа.
Уг төхөөрөмж нь хоёр янзын үе шаттайгаар ажилладаг бөгөөд эхний шатанд электрод дамжуулагч тусгай шугамнуудын тусламжтайгаар хүний эрүү, ам, уруулын хөдөлгөөнийг цахилгаан давтамж бүхий долгион болгож тархинаас компьютерийн дэлгэц рүү хувиргаж харах боломжтой аж. Харин хоёр дахь шат нь хиймэл оюун ухааны тусламжтай хүчирхэг компьютер уг электрон дохионуудыг тайлж унших замаар тухайн хүний бодлыг сонсгох гэнэ. Ингэхдээ хүний толгойн дотроо бодож буй бодлуудыг үг нэг бүрээр нь зөөж тавин компьютерээрээ сонсох бүрэн боломжтой болно хэмээн “Nature” сэтгүүлд бичжээ.
Гэхдээ хүний толгойн доторх бодлыг унших нь хууль зөрчөөд зогсохгүй хүний ёсноос гадуур үйлдэл болно гэж Калифорнийн их сургуулийн эрдэмтэд үзэж буйгаа онцолсон бөгөөд “Бид энэ төхөөрөмжөө зөвхөн хүнд өвчний улмаас толгойндоо гэмтэл авч, ярьж чадахаа байсан хүмүүсийг үх хэлж сургах зорилгоор ашиглах болно. Ямар нэгэн буруу санаагаар ашиглахгүй” хэмээн баталсан байна.
А.МӨНХЗУЛ