Баруун Африкийн орнуудад дэгдэж, 5000 гаруй хүний аминд хүрсэн эбола вирусыг зогсоохын тулд ДЭМБ болон АНУ-ын Эрүүл мэндийн яам хангалтгүй ажиллаж байна хэмээн Америкийн зарим мужийн иргэд эсэргүүлийн жагсаал зохион байгуулсан тухай “wsj.com” мэдээллээ. Жагсагчид “Зогс эбола” гэж бичсэн лоозон барьцгаасан байжээ. Тэд өнөөдрийг хүртэл эбола вирусыг зогсоох бэлдмэл гаргаж чадахгүй байгаа ДЭМБ-ыг буруушаасан байна. Зарим жагсагчид дээрх вирусыг Европын орнууд санаатайгаар тараасан гэжээ. Ийнхүү хэлж буй шалтгаанаа жагсагчид “Эболагаар өвчилсөн европ хүмүүс бүгд эдгэрч, эрүүл болсон. Дэндүү сэжигтэй байна” гэсэн байна. Эбола вирусээр өнөөдрийн байдлаар 5100 хүн амиа алдаж 13500 хүн халдвар авсан гэж ДЭМБ-ын захирал Маргарет Чан мэдэгджээ.