Сэтгэцийн эрүүл мэндийн өдөр өчигдөр болсон.
Үүнтэй холбогдуулан Үндэсний Статистикийн Хорооноос сэтгэцийн эмгэгийн амбулаторид бүртгэгдсэн өвчлөлийн байдлыг танилцуулав.
Манай улсад 2016 оны байдлаар амбулаторид бүртгэгдсэн сэтгэцийн эмгэг 28,326 байсан 2021 онд 25,480 болж буурсан байна. Гэхдээ бүртгэгдсэн эмгэгийг төрлөөр нь авч үзвэл оюуны хомсдол сүүлийн таван жилд 9,696 байснаас 14,822 болж өссөн байгаа юм. 2021 оны байдлаар бүртгэгдсэн сэтгэцийн эмгэгийг 58.2 хувь нь оюуны хомсдол, 15.2 хувийг сэтгэцийн органик ба шинж тэмдгийн эмгэг эзэлж байна.
2016 оноос хойш хамгийн их буурсан нь стресстэй холбоотой неврозын болон биеийн эмгэг юм. Дурдсан онд 2,988 бүртгэгдсэн байсан бол 2021 онд энэ тоо 411 болж буурчээ.
Улсын хэмжээнд сэтгэцийн эрүүл мэндийн чиглэлээр ажиллаж байгаа 174 их эмч байна.