Сэлэнгэ аймгийн Алтанбулаг сумын Цөх багийн нутаг “Сэнж чулуу” гэдэг газарт энэ сарын 8-ны өдөр ой, хээрийн түймэр гарсан.
Түймрийг унтраахаар онцгой байдлын газрын 64 албан хаагч, 6 автомашин, Дархан-Уул аймгийн Онцгой байдлын газрын 24 албан хаагч, 1 автомашин, Хилийн 0243 дугаар ангийн 18 албан хаагч, 1 автомашин, орон нутгийн 88 иргэн, 7 автомашин, 2 мотоцикль, нийт 194 хүн, 15 техник хэрэгсэлтэйгээр түймрийг унтраахаар ажиллаж байна гэж ОБЕГ-аас мэдээллээ.
Хөрсний хуурайшилт ихтэй энэ үед иргэдийг түймрийн аюулаас сэрэмжилж, анхаарал сэрэмжтэй байхыг онцгой байдлын байгууллага анхааруулж байна.