“Алтанбулаг-Улаанбаатар-Замын-Үүд” чиглэлд баригдах 1000 км хурдны авто замын ажил эхлэхэд бэлэн болжээ. Тус замын тендер 2011 онд буюу одоогоос 11 жилийн өмнө зарлагдаж “Шинэ хөгжлийн зам” компани шалгарсан юм. Тухайн компани 2014 онд Эдийн засаг хөгжлийн яамтай 30 жилийн концессийн гэрээ байгуулсан байна.
Гэрээнд барих, ашиглах, шилжүүлэх нөхцөлтэйгөөр замын ажлыг гүйцэтгэх юм. Энэ зам ашиглалтад орсноор Алтанбулаг, Замын-Үүд, Хөшигийн хөндийд худалдаа ложистикийн том төвүүд баригдах аж. Замын ажил 2.5-3 жилийн хугацаанд үргэлжлэх бөгөөд 35,000-45,000 ажлын байрыг бий болгох тооцоо гарчээ.