Алтан унжлагат гал тахиа жилийн баярын өдрүүдэд Эх хүүхдийн эрүүл мэндийн үндэсний төвд одоогийн байдлаар 40 хүүхэд мэндэлсний 21 нь голомт залгах хүү, 19 нь гал сахих охин байжээ. Тодруулбал, шинийн нэгний билэгт сайн өдөр 18 хүүхэд мэндэлсний 11 нь хүү, долоо нь охин байв. Харин шинийн хоёрны өдөр арван хүү, 12 охин мэндэлсэн байна. Гэхдээ өнгөрсөн жилийн сар шинийн баярын өдрүүдтэй харьцуулбал төрөлт бага байсныг ЭХЭМҮТ-ийн эмч нар онцолж байлаа.