Монголын үндэсний сагсан бөмбөгийн холбооноос зохион явуулж буй энэ жилийн сагсан бөмбөгийн Үндэсний супер лигийн аваргын цуврал өчигдөр өндөрлөлөө. Энэ жилийн өрсөлдөөн өнөө цагийн хамгийн арвин түүхтэй, сүүлийн дөрвөн жилийн хугацаанд аль аль нь гурван удаа аваргын төлөөх дайралт хийсэн Альянс Тех Харцага болон SBL Хасын Хүлэгүүд багийн хооронд болсон юм. Эхний таван тоглолтын байдлаар Альянс Тех Харцага гурав, SBL Хасын Хүлэгүүд хоёр ялалт байгуулаад байв. Тэмцээний ялагчаар хамгийн түрүүнд дөрвөн ялалт байгуулсан баг шалгарах байсан бөгөөд шийдвэрлэх зургаа дахь тоглолт Хандгайт дахь сагсан бөмбөгийн ордонд өчигдөр болж, Альянс Тех Харцага дөрөв дэх хожлоо авсанаар хоёр улирал дараалан Үндэсний Аварга хэмээх эрхэм алдарыг хүртлээ. Финалын цувралын үнэ цэнэтэй тоглогчоор тус багийн тамирчин, ОУХМ Б.Одбаяр шалгарлаа. Тэрээр өчигдөр мэргэжлийн лигийн сүүлийн тоглолтоо хийж, албан ёсоор зодог тайлсан юм.
