Баруун Монгол ардын наргиантай харилцаа дуунууд дээр
“…Улаан бууртай тэмээгээ услана гэсэн яалаа даа. Ухаа хүрмэнгийн
үзүүрт л уулзана гэсэн яалаа даа яалаа даа…” гэж гардаг даа. Тэр лугаа манай байгаль
хамгаалагчид, орон нутгийн эх орончдын мятаршгүй тэмцлийн явц үр дүнгийн сүүлийн
үеийн мэдээ, мэдээллээр гарч байна. Дорноговь аймгийн Улаанбаатарлаг билүү нэг суманд
Францчууд хүрч ирээд цөмийн хайгуул хийснээс болоод тугал хордсон гэдэг. Ингээд
орон нутагт эсэргүүцлийн жагсаал цуглаан болж, хөдөлгөөн байгуулагдан хэвлэл мэдээллээр
цацагдан дуулиан тарьцгаасан. Харин саяхан үндэсний телевизээр нөгөө тэмцээд байсан
малчдын төлөөлөгчид маань Казахстанд заларчихсан, Францын “Арева” компанитайгаа
“хампаан” (найз нөхөд сурв) болчихсон цөмийн урвал түүний шар нунтаг гэгчийн талаар
үгээ олохгүй магтацгааж байгаа харагдав.
Бас зарим төлөөлөгч, сэтгүүлчдийг нь Францад урин хоол цайгаар дайлаад Атомын станцын
үйлдвэрийг үзүүлээдэхсэн чинь “Тугал өөр зүйлээс болж хорджээ. Францчуудын зөв зөв”
гэцгээн хүрч ирцгээлээ.
Эх орон, Миний Монголын газар шороо гэсэн сүрт тэмцлүүдийг учир мэдэх
хэсгийнхэн элэглэж ч ханахгүй юм. Нөгөөдүүл нь ч одоо бүр ичиж зовохоо ч байж.