Арабын хойг дахь аль-Каида бүлэглэлийн жигүүр (AQAP) Йемений өмнөд хэсгийн Хадрамавт мужийн Мукалла хотын нисэх буудалд халдан эзэлжээ. Тус бүлэглэл өмнө нь Мукалла хотын шоронд халдаж, хэт даврагч хоригдлуудыг сулласан байна. Йемений шийтийн хоутисчууд суннит засгийн газрынхаа эсрэг бослого, тэмцэл өрнүүлснийг далимдуулан ал-Каида бүлэглэл энэ сарын эхээр Мукалла хот руу нэвтэрсэн аж.
Шийтийн босогчид өнгөрсөн есдүгээр сард Йемений нислэлд хяналтаа тогтоож, хэд хэдэн том хотыг ээлжлэн эзэлснээр ерөнхийлөгч Абдул Мансур Хади Саудын Араб руу дүрвэсэн билээ. Йемений шийтүүдийн эсрэг Саудын Араб цэргийн эсвэл байгуулан агаараас цохилт өгч эхлээд буй. Гэхдээ Йемений дэд ерөнхийлөгч Халед Бахах Саудын Арабын тэргүүлсэн эвслийн цэрэг тус улсад нэвтэрч, газраар довтолгоо хийхийг эсэргүүцэж байгаа аж.