Ахлагчийн сургуулийн Онцгой байдлын албаны тэнхимийн “Аврагч, гал сөнөөгч” мэргэжлийн 411, 412 дугаар дамжаанаас санаачлан “Дамжаа сурталчлах аян”-ыг 2018 оны 01 дүгээр сарын 05-11-ний өдрүүдэд “Аврагч, гал сөнөөгч”, “Аврах, гал унтраах авто машины жолооч”, “Холбооны бага мэргэжилтэн” бэлтгэх 411-416 дамжааны нийт 210 сонсогчийн дунд амжилттай зохион байгуулжээ.
Аяны хүрээнд “Цэвэр агаар-Эм” явган аялал, “Цасны сумо”, “Олс таталт”, “Хөгжөөнт буухиа”, “Дартс”-ын нөхөрсөг тэмцээн болсон байна. Мөн “Аяга аарц-Амжилт” өдөрлөгөөр Ахлагчийн сургуулийн албан хаагчид, Их сургуулийн гадна талбайн үйлчилгээний ажилтан болон Хилчний гудамжны авто зам дээр цэвэрлэгээ хийж байгаа “Тохижилт үйлчилгээний газар”-ын ажилчдад халуун аарцаар дайлжээ. Түүнчлэн “Номын сайн нөхөр” ном солилцох өдөрлөгийг зохион байгуулж, нийт 70 орчим уран зохиолын номыг сонсогчид солилцжээ.