ШУА-иас санаачлан “Аж үйлдвэрийн IV хувьсгалын үеийн Монгол Улсын хөгжлийн асуудлууд” эрдэм шинжилгээ-онол практикийн бага хурлыг ирэх даваа /2018-05-07/гаригт зохион байгуулах гэж байна. Энэхүү хурлын гол зорилго нь Аж үйлдвэрийн IVхувьсгалын үеийн Монгол Улсын үндсэн хөгжлийн асуудлуудыг төр-шинжлэх ухаан-бизнесийн хамтын ажиллагааны хүрээнд хэлэлцэн, арга замуудыг судлан, тодорхойлоход оршиж байгаа юм.
Энэ үеэр 11 үндсэн илтгэл тавигдана. Тухайлбал, Аж үйлдвэрийн IV дэх хувьсгалыг уул уурхай яаж угтах вэ, XXI зууны боловсрол, хөдөө аж ахуйн хөгжлийн асуудлууд, Мэдээлэл холбооны технологи аж үйлдвэрийнIV дэх хувьсгалын хөдөлгөгч хүч болох нь, Ирээдүйн эрүүл мэндийн тусламж үйлчилгээг хэн үзүүлэх вэ. Хүн үү робот уу сэдэвт илтгэлүүд тавигдана. Мөн энэ хувьсгалын талаарх зарим улс орнуудын бодлого, туршлагуудаас танилцуулах юм байна.
Технологийн 4-р хувьсгал гэж юуг хэлээдбайна, ямаршуу өөрчлөлтүүд бий болох вэ, сүүлийн жилүүдэд бидний амьдралд нэвтрэн орж ирж буй энэ хувьсгалд бид бэлэн байна уузэрэг салбар салбарын сонирхол татсан мэдээллүүдийг энэхүү хурлын илтгэлүүдээс сонсох боломжтой юм.