Өнөөдөр “Айтүүлс” ХК залуу судлаачдад зориулан “Төр, хувийн хэвшлийн – 2018: Аж үйлдвэрийн инноваци- оюуны өмч” сэдвээрхэлэлцүүлэг зохион байгуулагдлаа. Тус компанийн хамгийн том хувьцаа эзэмшигч нь “ICT” групп юм.“Айтүүлс” компанийн хувьцаа худалдаанд гарснаар олон нийттэй нээлттэй харилцах мөн хөрөнгийн бирж дээр чөлөөтэй арилждаг болсон. Олон нийтээс татан төвлөрүүлсэн хөрөнгөөрөө төслийнхөө хүрээнд хийж буй ажлуудаа явуулж байна. “Айтүүлс” ХК-ийн Дархан-Уул аймагт байрлах дата парк нь одоогоор 60 хувийн гүйцэтгэлтэй,VIII сард ашиглалтад оруулах зорилготойгоор ажиллаж байна. Уг хэлэлцүүлгээр технологийн салбарт төр, хувийн хэвшлийн хамтын үйл ажиллагааг дэмжих, эрдэмтдийн эрдэм шинжилгээ, судалгааг хөгжүүлж, бизнесийн салбарт нэвтрүүлэх, салбар дундын хамтын түншлэлийн үр дүнд инноваци- мэдээллийн технологи аж үйлдвэрлэл хосолсон хөгжлийг түргэсгэх зорилготойгоор зохион байгууллаа. Арга хэмжээнд “Нанотехнологи Монголд: Одоо ба ирээдүй” сэдвээр “Шинэ Монгол” технологийн дээд сургуулийн захирал Ч. Ганзориг (Ph.D) “Дата бизнесийн үнэт суурь болох нь” сэдвээр “Айтүүлс” ХК төлөөлөн удирдах зөвлөлийн дарга, “ICT” группын ХК технологи хариуцсан захирал А. Баттамир, “Оюуны өмчийг эдийнзасгийн эргэлтэнд оруулах гарц” сэдвээр Японы “Кловер патент” фирмийн Монгол дахь салбар оюуны өмчийн итгэмжлэгдсэн төлөөлөгч Д. Дамдинбазар нар илтгэл тавилаа.
Б. Алтантуяа