Бүгд Найрамдах Болгар улсын ерөнхийлөгч Росен Плевнелиев тавдугаар сарын 10-13-ны хооронд манай улсад төрийн айлчлал хийж байна. Уг айлчлалтай холбогдуулан замын хөдөлгөөнийг түр хугацаагаар хязгаарлаж байна. Тиймээс замын хөдөлгөөнд оролцож буй жолооч, зорчигч та бүхэн нийтийн тээврийн хэрэгслийг сонгож замын хөдөлгөөнд оролцох, мөн цагдаагийн алба хаагчийн хууль ёсны тавьсан шаардлагыг биелүүлж замын хөдөлгөөнд хүндэтгэлтэй оролцохыг Замын цагдаагийн газраас зөвлөж байна.