Агаарын тээврээр он гарснаас хойш энэ сарын 4-ний хооронд 324.386 зорчигч тээвэрлэжээ. Тодруулбал, 234.121 зорчигч олон улсын, 90.265 нь орон нутгийн нислэгээр үйлчлүүлжээ. Энэ нь өмнөх оны мөн үетэй харьцуулахад 145.8 хувиар өссөн үзүүлэлт гэдгийг ЗТХЯ мэдээлэв.
МИАТ ТӨХК 173.541, “Аэро Монголиа” ХХК 37.545, “Хүннү Эйр” ХХК 27.201, “Туркиш Эйрлайнс” 17.901, “Эйр Чайна” 4.239, “Ашиана Эйрланс” 18.123, “Изинис Эйрвэйс” ХХК 6.178, “Монголиан Эйрвэйс Карго” ХХК 2.403, “Кореан Эйр” ХХК 33.427 зорчигч тээвэрлэжээ.
Засгийн газрын Шинэ сэргэлтийн бодлогод агаарын тээврийг либералчлах, олон улсын нислэгийн тоог нэмж, орон нутгийн нислэгийг сэргээх зорилт тусган, 2023-2025 оныг “Монголд зочлох жил” болгон зарласан билээ. Энэ хүрээнд ЗТХЯ энэ онд агаарын тээврээр 1.5 сая зорчигч тээвэрлэхийг зорьж байгаа. Түүнчлэн шинээр агаарын харилцааны хэлэлцээрүүдийг байгуулж, нислэгийн тоо, давтамжийг 2-3 дахин нэмэн, нэг жилд 3 сая зорчигч тээвэрлэх боломж бүрдүүлээд байна.