Ази-Европын 11 дэх удаагийн АСЕМ-ийн уулзалтын үеэр олон жил яригдсан Камбож улсад үзүүлэх Бээжингийн тусламж эцэслэн шийдэгдсэн нь олон улсын анхаарлыг татлаа. Олон жилийн өмнөө Бээжин, Камбож улсад 600 сая ам.долларын тусламж үзүүлнэ хэмээн мэдэгдэж байсан ч өнөөг хүртэл уг асуудал гацаад байжээ.
Улаанбаатар хотноо болсон “АСЕМ”-ийн уулзалтаар БНХАУ-ын Төрийн зөвлөлийн Ерөнхий сайд Ли Көцян Камбожийн Ерөнхий сайд Хун Сентэй уулзаж, гацаад буй тусламжийн талаар хэлэлцсэн байна.
Уулзалтын төгсгөлд Бээжин, Камбож улсад 600 сая ам.долларын тусламж үзүүлэхээр болсон байна.
Уг тусламжаар Камбож цахилгаан эрчим хүч, боловсрол, эрүүл мэндийн салбарт зарцуулахаар болсон талаар Хун Сен мэдэгджээ.
О.Өнөр