“Парис-2024″ зуны 17 дугаар паралимпын наадмын жүдо бөхийн эрэгтэйчүүдийн +90 кг-ын жинд Үндэсний шигшээ багийн тамирчин Д.Ганбат ДАШТ-ий хүрэл медальт, дэлхийн чансааны гуравт эрэмбэтэй Азербайжаны бөх Иллхам Закиевт ялагдаж, паралимпын наадмын тавдугаар байрт орлоо.
Д.Ганбат нь Ази тивийн аварга, Азийн наадмын алт, мөнгө, хүрэл медальт тамирчин. Монгол Улсын пара жүдо бөхийн баг зуны паралимпын наадмаас өмнө нэг хүрэл медаль хүртсэн нь гавьяат тамирчин Б.Ууганхүүгийн Риогийн олимпоос хүртсэн медаль юм.
Монголын баг одоогийн байдлаар нэг алт, хоёр мөнгөн медальтайгаар тэмцээний үргэлжлүүлж байна.