Хөвсгөл аймгийн Рэнчинлхүмбэ сумын нутаг “Тэнгис-Шишгэд”-ийн голд гурван хүн моторт завьтай явж байхад завь нь хөмөрч хоёр нь эсэн мэнд гарч, нэг хүн нь осолдсон тухай дуудлагыг онцгой байдлын алба наймдугаар сарын 3-ны 19:08 цагт хүлээн авсан.
Дуудлагын дагуу Хөвсгөл аймгийн Онцгой байдлын газрын Эрэн хайх, аврах салбар, Үндэсний аврах бригадын алба хаагчид, ар гэрийнхэнтэй хамт тус иргэнийг эрэн хайх ажиллагааг зохион байгуулж байв.
Харамсалтай нь наймдугаар сарын 8-ны 18:04 цагт нисдэг тэргээр агаараас тандалт хийж явсан нисэх багийн бүрэлдэхүүн тухайн иргэний цогцсыг Монгол Улсын хилээс дотогш таван км орчим газарт голын сайранд тогтсон байсныг олсон хэмээн Онцгой Байдлын Ерөнхий Газраас мэдээллээ.