Ахуйн үйлчилгээний ордны уулзвараас “Өргөө” кино театрын уулзвар хүртэлх авто замын хөдөлгөөнийг нээжээ.
Тус хэсгийн авто замын засвар, шинэчлэлтийн ажлыг энэ сарын 3-ны өдрийн 23:00 цагаас эхлүүлсэн юм. Засварын ажлын хүрээнд инженерийн шугам сүлжээний худгийн тагийг асфальтбетон хучилтын түвшинд тааруулах, хашлага солих, тэмдэг тэмдэглэгээний ажил, авто замын зорчих хэсгийн асфальтбетон хучилтын ажлыг хийж гүйцэтгэжээ.
Ирэх долоо хоногт III, IV хорооллын эцсийн дөрвөн замын уулзварыг засах аж. Ингэснээр тус замын баруун, зүүн урсгалыг бүрэн засварлаж дуусгах юм.