Богдхан уулын дархан цаазат газрын нийт талбайн 53.1 хувь буюу 22.129 га талбайг ойн сан эзэлдэг. Үүнээс ойгоор бүрхэгдсэн талбайн 98.8 хувийг байгалийн ой эзэлж байна. Энэ ойг бүрдүүлэгч гол мод нь шинэс, гацуур, хуш юм. Ойн 59 хувь нь хөгшин, 25 хувь нь дунд насных байна.
Аянга цахилгаан, бороо, үерийн усаар хөрс угаагдах, салхины нөлөө, цэвдэг зэрэг байгаль цаг уурын хүчин зүйлийн хамаарал болон хүний үйл ажиллагаа, уур амьсгалын өөрчлөлт зэргээс үүдэн, ой модод байгалийн жамаар унах үзэгдэл ихээр Богдхан уулын дархан цаазат газарт их ажиглагдаж байна. Иймээс Богдхан ууланд алхаж аялагч, амрагч иргэд та бүхэн унанги модонд даруулах, бэртэж гэмтэхээс сэрэмжтэй байхыг Богдхан уулын дархан цаазат газрын Хамгаалалтын захиргаа анхааруулж байна.