ГУББГ-аас 2020 оноос хойш 37 байршилд ус зайлуулах шугам хоолой угсраад байна.
Өнгөрсөн онд хийсэн судалгаагаар ус тогтдог 50 байршил байв. Эдгээрийн 13 байршилд энэ онд борооны ус зайлуулах шугам хийхээр төлөвлөснөөс одоогоор долоод нь шугам хоолой угсраад байгаа юм.
Амралтын өдрүүдэд үргэлжлэн орсон борооны улмаас зургаан байршилд тогтсон 14,403 тонн ус соруулжээ. Тодруулбал, БГД-ийн Нарны гүүрний урд хэсэг тогтсон 4200 шоо метр, СХД-ийн Тахилтын нүхэн гарц орчимд тогтсон 10.200 шоо метр, ХУД-ийн Энхтайваны гүүрний доод хэсэгт тогтсон 180 тонн, Удирдлагын академийн зам, Жапен тауны урд, хойд хэсэгт 180 тонн ус мөн Нисэхийн тойрог орчимд тогтсон борооны ус, БГД-ийн Акума төвийн урд замд тогтсон 72 тонн борооны усыг соруулсан байна.
Улаанбаатар хот 1250 км хатуу хучилттай авто замтайгаас 70 орчим хувь нь ус шүүрүүлэх худаг, зайлуулах шугамгүй аж.