Сонгуулийн ерөнхий хорооны хурал өчигдрийн хуралдаанаар Монгол Улсын их хурлын сонгуулийн тухай хуулийн 29 зүйлд заасан нэр дэвшигчид тавигдах нийтлэг шаардлагыг хангаагүй буюу эрүүгийн хариуцлага хүлээж байгаа, авлига, албан тушаалын гэмт хэрэг үйлдэж гэм буруутайд тооцогдсон, татварын хугацаа хэтэрсэн өр төлбөртэй зэрэг үндэслэлээр 154 нэр дэвшигчийг бүртгэхээс татгалзаж шийдвэрлэсэн байна.
Тухайлбал, Үндэсний эвслээс нэр дэвшигч Н.Номтойбаярыг авлига, албан тушаалын гэмт хэрэг үйлдсэн болох нь шүүхийн шийдвэрээр тогтоогдсон гэж үзэн нэр дэвшүүлэхээс татгалзжээ.