Төрийн албаны 2024 оны хоёрдугаар улирлын ерөнхий шалгалтын цахим бүртгэл өчигдөр эхэлсэн. Бүртгэл тавдугаар сарын 9-ний өдрийн 09:00 цаг хүртэл үргэлжилнэ. Шалгуулагчид Төрийн албаны зөвлөлийн https://exam.csc.gov.mn/ цахим хуудсаар бүртгүүлэх юм. Төрийн албаны ерөнхий шалгалтад оролцогчдод зориулсан 2024 оны “Төрийн албаны ерөнхий шалгалтын сорил, даалгавар” цахим номыг Төрийн албаны зөвлөлөөс бэлтгэж, байршуулжээ. Шалгалт энэхүү цахим номын хүрээнд болно гэж Төрийн албаны зөвлөлөөс мэдээллээ.
