Нийслэлийн Сонгинохайрхан дүүргийн 41 дүгээр хорооны Зээлийн гуравдугаар гудамжинд гэр шатаж байна гэсэн дуудлагыг өчигдөр 06.59 цагт онцгой байдлын байгууллагад ирүүлжээ.
Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчид 6 км замыг туулан 07.11 цагт очиход таван ханатай гэр бүрэн шатаж нурсан байжээ.
Улмаар 20 минут ажиллаж галыг унтраасан байна. Уг гал түймэрт иргэн С /27 настай, эмэгтэй/ өртөж нас баржээ.