Манай сонины нэгдүгээр сарын 17-ны дугаарт “Солонгосын ЭСЯ-наас Монгол компаниуд виз мэдүүлгээр ашиг олоод байна гээд солонгос агентлагуудыг сонгосон” нэртэй ярилцлага гарсан юм. Уг ярилцлагад гарсан мэдээллийн хүрээнд БНСУ-аас Монгол Улсад суугаа Элчин сайдын яамнаас дараах тайлбарыг өглөө.
-БНСУ-аас Монгол Улсад суугаа ЭСЯ-ны зүгээс 2023 оны 12 дугаар сард 2024-2026 онд визний мэдүүлэг хүлээн авах төлөөлөн гүйцэтгэх байгууллагаар үндсэн 14, нөөцөнд нэг байгууллага (солонгос-7, монгол-8)-ыг сонгон шалгаруулсан. Энэхүү явцад Элчин сайдын яам нь Солонгос Монголын найрамдалт харилцаа, хамтын ажиллагааг өргөжүүлэх үүднээс хоёр орны хуулийн этгээдүүдийг тэнцвэртэйгээр оролцуулах боломжийг бүрдүүлэхийн зэрэгцээ иргэдээс ирэх хүсэлтийг хурдан шуурхай шийдвэрлэх зорилгоор өрсөлдөөний зарчмын дагуу өмнөх 10 хуулийн этгээдийг 14 болгож нэмэгдүүлсэн.
-Мөн БНСУ-ын хилээр нэвтрэх шалгалтын явцад аль нэг улсын гадаадын иргэдэд ялгавартай хандсан зүйл байхгүй бөгөөд гадаад иргэдийн хууль бус оршин суух явдлыг хязгаарлах үүднээс холбогдох арга хэмжээнүүдийг авч хэрэгжүүлж байна. Түүнчлэн өнгөрөгч 2023 оны арванхоёрдугаар сарын байдлаар Монгол Улсаас БНСУ-д хууль бусаар оршин суугаа иргэдийн эзлэх хувь 33.7 хувьд хүрчээ. Өөрөөр хэлбэл, Солонгост оршин суугаа 54846 монгол иргэний 18524 нь хууль бусаар оршин суудаг. Энэ мэт шалтгаанаас үүдэн цаашид Монгол Солонгосын найрамдалт харилцааг хөгжүүлэхэд монгол иргэдийн зүгээс анхаарал хандуулах шаардлага үүсээд байна.
One reply on “Солонгосын визний мэдүүлэг хүлээн авах 14 байгууллагыг шалгаруулжээ DNN.mn”
Hello there, simply was aware of your weblog via Google, and located that it is really informative. I am going to watch out for brussels. I’ll be grateful should you proceed this in future. Many people can be benefited out of your writing. Cheers!