Эрүүл мэндийн яамнаас томуу, томуу төст өвчнөөс урьдчилан сэргийлэхийг зөвлөж байна.

-Хүйтэн, сэрүүний улиралд тохируулан дулаан хувцаслах, даарч хөрөхгүй байх

-Гэр сургууль, цэцэрлэг, ажлын байрны өрөө тасалгаанд цаг тутамд 10-15 минут цэвэр агаар оруулж, өдөрт 2-оос доошгүй удаа чийгтэй цэвэрлэгээ хийх

-Илчлэг сайтай, амин дэмээр баялаг хоол хүнс, жимс, жимсгэний шүүс хэрэглэх

-Гараа савандаж угааж хэвших

-Хүүхдийг цэвэр агаарт салхилуулах, хамрын хөндийг байнга цэвэрлэж байх

-Томуу томуу төст өвчнөөс сэргийлэх цэгчилсэн иллэг хийж хэвших

-Үзвэр, үйлчилгээ, олон нийтийн газраар сэлгүүцэхгүй байх

-Ханиах найтаах үедээ ам, хамраа нусны алчуур, салфеткаар таглах, цэр нус, шүлсээ ил задгай хаяхгүй байх, амны хаалт зүүх

-Томуугийн эсрэг вакциныг ХӨСҮТ-ийн сайн дурын дархлаажуулалтад хамрагдах, өрх, аймгийн эрүүл мэндийн газрын дархлаажуулалтын кабинетэд хандан тариулах зэргээр урьдчилан сэргийлээрэй.

Томуугийн вирусний талаар зөвлөгөө мэдээлэл хүргэж байна.

Томуугийн вирус нь: 

Өрөө тасалгаанд 2-9 цаг

Метал, хуванцар эдлэлд 24-48 цаг

Цаасан эдлэлд 8-12 цаг

Шилэн гадаргууд 10 хоног хадгалагддаг байна.

Томуу, томуу төст өвчний үед ямар шинж тэмдэг илэрдэг вэ

Халуурах, ханиалгах

Хоолой өвдөх

Нус гоожих, хамар битүүрэх

Цөөн тохиолдол бөөлжих, суулгах шинж тэмдэг илэрнэ.

Томуу, томуу төст өвчнөөс хэрхэн урьдчилан сэргийлэх вэ

Гараа савантай усаар ойр ойрхон сайтар угаах, халдваргүйжүүлэх

Бохир гараа, ам хамар, нүдэндээ хүргэхгүй байх

Хүн ам олноор цугласан газар очихгүй байх

Гэртээ өрөө тасалгаандаа чийгтэй цэвэрлэгээ хийх

Халуун хоол, цай идэх

Гадаа гарахдаа дулаан хувцаслах, хүүхдүүд та бүхэн эдгээр зөвлөгөөг сайн дагаж ханиад томуугаас өөрийгөө болон хайртай хүмүүсээ хамгаалаарай.