Монгол Улсын нүүрсний экспорт нэмэгджээ. Тодруулбал, Гаалийн ерөнхий газрын статистик мэдээллээр он гарснаас хойш манай улс 44 сая тонн нүүрс экспортолсон байна. Төсвийн тодотголоор нүүрсний экспорт 50 сая тонн болсон, энэ тоо хангалттай биелэх нь тодорхой болов.
Манай улсын экспортолж буй нүүрсний 97 хувь нь коксожсон нүүрс.
Мөн энэхүү үзүүлэлт ковид-19 цар тахлын өмнөх үе буюу 2018, 2019 оны нүүрсний экспортын түвшинд хүрснийг эдийн засагчид онцолж байна. Тухайн үед Монгол Улс 35-36 сая тонн нүүрс экспортолж байсан юм. Харин 2022 онд нийт 27 сая тонн нүүрс экспортолж, экспортын орлого 6.5 тэрбум ам.долларт хүрч байв.