Гэгээн ширээт Улсын Төрийн тэргүүн Пап Францисын Монгол Улсад хийж байгаа төрийн айлчлалын хүрээнд гадаадын 23 орны 53 хэвлэл мэдээллийн байгууллагын 160 орчим сэтгүүлч манай улсад хүрэлцэн ирсэн.
2023 оны есдүгээр сарын 1-ний өдөр Горхи-Тэрэлжийн байгалийн цогцолбор газарт гадаадын хэвлэл мэдээллийн байгууллагын төлөөлөгч нарт зориулан “Бэсрэг наадам” арга хэмжээг зохион байгуулжээ.
Энэ үеэр сэтгүүлчид эрийн гурван наадам, монгол үндэсний дуу хөгжим, бүжгийг үзэн сонирхож, монгол ахуйтай танилцжээ.