ШЕЗ-өөс өнөөдөр Хөгжлийн банкны гэх тодотголтой хэргийн явцын талаарх мэдээллийг хүргэлээ.
Тодруулбал, Хөгжлийн банкны гэх хэрэгт 80 хүн, дөрвөн хуулийн этгээд холбогдож тэдгээрийн шүүх хурал 31 дэх өдрөө үргэлжилж буй юм. Шүүх хуралдаанд 215 оролцогчтой учраас Улаанбаатар чуулгын иргэний танхимд зохион байгуулж байна.
Тус оролцогч нараас Улсын яллагч 6, иргэдийн төлөөлөгч, хохирогчийн хууль ёсны төлөөлөгч, тэдгээрийн өмгөөлөгчид гэсэн нийт 215 оролцогчоос бүрдэж байна. Шүүх хуралд нийт есөн үе шаттай явагдахаас дөрөвдүгээр үе шатанд явж байгааг мэдээллээ. Одоогийн байдлаар 506 хавтаст хэргээс бичгийн нотлох баримт, шинжилгээг судлах үйл ажиллагаа явагдаж байгаа бөгөөд тус ажил 85 хувьтай явж байгаа аж.