Энэ удаагийн “DNN-SPEAK OUT” булангаар Монголын үйлдвэрчний эвлэлийн холбооноос Олон улсын хөдөлмөрчдийн эв санааны нэгдлийн өдрийг тохиолдуулан тайван жагсаал, цуглааныг зохион байгуулж байна. Энэхүү жагсаалд оролцож буй иргэдээс НӨАТ-ын мөнгөө юунд зарцуулсан талаар асуулаа.
Иргэн Х.Ганчулуун: 70 мянган төргөг орсон. Дараагийн НӨАТ-ын мөнгө орох хүртэл энэ мөнгөөрөө болгодог л байх даа.
Иргэн У.Энхбаатар: “НӨАТ- ын мөнгө олгоно” гээд л насаар нь идүүлчих мөнгө өгөх гэж байгаа аятай сeнсацлаад байх юм.
НӨАТ-ын хэдхэн төгрөгийг тэсэн ядан хүлээгээд, асуугаад, эрэл сурал болоод байгаа нь ард түмний амьдралын хомсдолыг тодоос тод харуулаад л байна. Үүнийг төрийн түшээд анзаардаг болов уу?. Хэдэн сараар нь идэж, уучихмаар их мөнгө авдаггүй. Дансанд ороод л гэр бүлдээ зарцуулсан байх.
Иргэн Б.Сансар: Хүний эрүүл мэндэд хандивласан. Ядахдаа буян үйлдсэн болно биз дээ.
Иргэн Р.Цэвэлмаа: Хүнсний бүтээгдэхүүний үнэ ямар байгаа билээ. 3 ширхэг сүүний л мөнгө шүү дээ.
Иргэн С.Баярцэцэг: Бүх худалдаачид НӨАТ өгдөг болгочих хэрэгтэй. Тэгээд 10 хувиа авъя. Энэ улс үнийн дээд зэргийн хий өсөлттэй. Дээр нь дахин 10 хувь нэмж авна. Буцааж өгөхдөө 2 хувь ч биш 1,8 хувийг л өгдөг юм билээ. Өдөрт хэдэн сая төгрөгөөр худалдан авалт хийдэггүй юм бол 20, 30 мянган төгрөгийн худалдан авалтын буцаан олголт гэж олигтой юм орж ирэхгүй шүү дээ. Юунд зарцуулснаа мэдэхгүй байгаа ч олигтой хоол авч хүрэхгүй л байх
Иргэн Н.Гэрэлмаа: Хадгалдаг гэхээр хүүхдийн мөнгө шиг хасчих байх даа. Юунд нь мэдэгдэхгүй үрэгдээд л дуусдаг.
Иргэн Л.Анар: “Iphone” 14 Pro Max aвсан.
Иргэн Ж. Нарангарав: Муурандаа хэвтэр авсан. Нэг их мөнгө авдаггүй 60 мянган төгрөг л орсон.
Иргэн Э.Тэнүүн: Нэг талх, уут боорцог л авсан даа. Буцаан олголтын хувиа л нэмчихмээр байна. Үнэхээр үнийн өсөлтөд туйлдаж байна шүү.
Иргэн О.Нямцэцэг: Тог, усныхаа мөнгийг төлсөн. “CU” орж нэг мантуун бууз, Тэгээд цуйван авсан юм байна.
Иргэн Б.Жаргалсайхан: Хоёр 2кг мах авсан. 8 хувиа явъя гэж шаардахгүй бол хэт доромжил амсаж байна.
Д.Баттогтох
.