АНУ-ын ерөнхийлөгч Жо Байден 2024 оны ерөнхийлөгчийн сонгуульд улиран сонгогдохын төлөө өрсөлдөнө гэдгээ албан ёсоор мэдэгдлээ. Ж.Байдендүрс бичлэгээр дамжуулан мэдэгдэл хийх үеэрээ “эхлүүлсэн үйл хэргээ дуусгах” боломжийг олгохыг сонгогчдоосоо хүссэн байна. Тэрээр 2020 оны сонгуулийн компанит ажлаа мөн дөрөвдүгээр сарын 25-ны өдөр эхлүүлж байсан аж.
Өдгөө 80 настай Ж.Байден хэдийнээ АНУ-ын түүхэн дэх хамгийн өндөр настай ерөнхийлөгч болсон юм. Хэрвээ тэрбээр 2024 оны 11 дүгээр сард болох ерөнхийлөгчийн сонгуульд дахин ялбал бүрэн эрхийн хоёр дахь хугацаа нь дуусах үед 86 нас хүрэх болно.