Засгийн газрын хуралдаанаас гарсан шийдвэрийн талаар БШУ-ны сайд Л.Энх-Амгалан мэдээлэл өглөө. Хуралдаанаар оюутан цэргийн асуудал яригдсан бөгөөд энэ жилээс эхлээд 1500 оюутан оюутан цэрэгт хамрагдах аж.
Энэ талаар, “Оюутан цэрэг хөтөлбөр нэг хэсэг арын хаалгаар оюутнуудаа хамруулдаг байсан бол өнгөрсөн жилээс И-Монголиагаар бүртгэл хийснээр ил тод болсон. Энэ жил улсын төсөв дээр 160 оюутны санхүүжилт шийдэгдсэн байсан бол Ерөнхий сайд оюутнуудтай уулзах үеэрээ квотыг 1500 болгон нэмэхээр болсон. Энэ жилээс эхлэн 1500 оюутан “Оюутан цэрэг” хөтөлбөрт хамрагдана” хэмээв.