Цаг уур орчны шинжилгээний газраас ирэх долоо хоногийн буюу хоёрдугаар сарын 27-ноос гуравдугаар сарын 6-ныг хүртэлх цаг агаарын урьдчилсан төлөвийг танилцууллаа.
Цаг уурч Б. Цасанчимэг “Ойрын хоёр хоногтоо нутгийн зүүн хагаст салхитай боловч гуравдугаар сарын 1-нээс ихэнх нутгаар дулаарна.
Хур тунадасны хувьд хоёрдугаар сарын 27, 28-нд Хэнтийн уулархаг нутаг болон Халх голын сав газраар, гуравдугаар 4-нд баруун аймгуудын нутгийн хойд хэсгээр гуравдугаар сарын 5-нд төв болон зүүн аймгуудын нутгийн хойд хэсгээр цас орно. Бусад хугацаанд цас орохгүй.
Салхины хувьд ихэнх хугацаанд 5-10м/с, хоёрдугаар сарын 28-нд говь тал хээрийн нутгаар, гуравдугаар сарын 4-нд Алтайн салбар уулсаар секундэд 14-16м/с хүрч ширүүснэ.
Увс нуур болон Дархадын хотгор, Идэр тэс, Байдар голын хөндийгөөр шөнөдөө 31-36 градус, өдөртөө 14-19 градусын хүйтэн, Хангай, Хөвсгөл, Хэнтийн уулархаг нутаг болон Туул, Тэрэлж голын хөндийгөөр шөнөдөө 24-29 градус, өдөртөө 6-11 градусын хүйтэн.
Говийн аймгуудын нутгийн өмнөд хэсгээр шөнөдөө 8-13 градус, өдөртөө 7-12 градусын дулаан бусад нутгуудаар шөнөдөө 15-20 градус, өдөртөө 2 градус хүйтнээс 3 градусын дулаан байна” хэмээн тайлбарлалаа.