АНУ-ын Солт Лейк хотноо National Basketball Association буюу Үндэсний сагсан бөмбөгийн 72 дахь удаагийн “Оддын тоглолт” өнөөдөр эхэллээ.
Олон олон онцлогтойгоороо энэ удаагийн тоглолт шуугиан тарьж байна. Тухайлбал, энэ удаагийн All star game -д 22 багийн төлөөлөгч оролцож байгаа нь рекорд амжилт юм. Мөн хамгийн олон Америкийн бус тоглогчийн тоогоор буюу 9 гэсэн үзүүлэлтээр өмнөх дээд амжилттай тэнцсэн бол гарааны 6 тоглогч ( Яннис Антетокумбо-Грек, Лука Дончич-Словен, Никола Жокич-Серб, Лаури Маркканен-Финланд, Жоэль Эмбийд-Камерун, Кайри Ирвинг-Австрали) АНУ-ын бус байгаа нь мөн л рекорд болж байна.
Хэдхэн хоногийн өмнө NBA -ийн бүх цагийн үеийн онооны Карим Абдул Жаббарын рекордыг эвдсэн Леброн Жэймс өнөөдөр мөн л Карим Абдул Жаббарын “Оддын тоглолтод” хамгийн олон буюу 19 удаа оролцсон амжилтыг нь эвдлээ. Сагсан бөмбөгийн супер одууд “могойн чуулган” шиг л Солт Лэйкэд цугласан их цэнгүүн ийнхүү эхэлж байна.