Хүчит бөхийн нэгийн даваа. Даян аварга Н.Батсууриар манлайлуусан 256 бөхийн барилдаанд таван аварга, дөрвөн арслан, гурван гарьд цолтой гээд чансаа өндөр бөхчүүд зодоглож байна. Бөх сонирхогчдын анхаарлын төвд байсан Өвөрмонголын бөх С.Төмөрбаатар нэгийн даваанд Н.Батсуурь аваргатай барилдаж, өвдөг шороодлоо. Мөн улсын харцага Ц.Мөнхбаяр, Ц.Бямба-Отгон зэрэг өндөр цолтнууд уналаа.
САР ШИНИЙН БАРИЛДААН ЭХЭЛЖ, 256 БӨХ ЗОДОГЛОНО
Монгол бөхийн өргөөнд өнөөдөр (2023.02.19) сар шинийн өдрийг угтсан улс, аймгийн цолтой 256 бөхийн барилдааны нэг, хоёрын даваа болох бол маргааш буюу битүүний өдрийн 12.00 цагаас бөхийн барилдааны гурвын даваа цааш үргэлжилнэ.
Энэ жилийн сар шинийн барилдаанд Улсын их баяр наадмын түрүү залуу аварга, арслангуудаас гадна сүүлийн жилүүдэд зодоглоогүй өнжсөн аваргууд хүч үзэхээр болсон билээ.