Москва хотод болж буй “Шатрын одод 2023” олон улсын шатрын тэмцээний үеэр Казахстаны 18 настай тамирчин бүсгүй Оросын их мастер, дэлхийн шилдэг тамирчдын нэг Сергей Карякиныг хожиж, дуулиан тарьжээ. Рапид гэх түргэн тоглолтод Бибисара Асаубаева их мастерыг буулгаж авсан тухай Казахстаны Спорт, Соёлын яам өчигдөр мэдээлсэн байна.
Тэмцээний түргэн буюу блиц төрлийн тоглолтууд нэгдүгээр сарын 28-30-ны өдрүүдэд зохион байгуулагдах юм. Шилдэг шатарчид оролцож буй “Шатрын одод 2023” тэмцээн $216,247-ын шагналын сантай юм байна.
Асаубаева нь эмэгтэйчүүдийн шатрын түргэн тоглолтын дэлхийн аварга бөгөөд олон улсын мастер, эмэгтэйчүүдийн их мастер цолтой юм.Карякин энэ тоглолтынхоо дараа Асаубаеваг “маш сайн тоглодог дэлхийн аварга юм” гэж магтжээ. Өнгөрсөн онд Украинд хийсэн Оросын эзлэн түрэмгийллийг дэмжсэнийх нь төлөө Карякины тэмцээнд өрсөлдөх эрхийг Олон Улсын Шатрын Холбоо зургаан сараар цуцалж байжээ. Одоо 33 настай тэрээр Крымд төрсөн бөгөөд 2009 оныг хүртэл шатрын тэмцээнд Украиныг төлөөлж байжээ. Карякины дэлхийн чансаа одоо 10 дугаарт байгаа ба оргил үедээ 2011 онд 4-т оржбайсан гэж “Kazinform” мэдээлжээ.
Г.АМАРСАНАА