Архангай аймгийн Булган сумын Тамир багийн “Асгат” гэх газар дөрвөн хүн самар түүж явснаас нэг нь ор сураггүй алга болсон талаар мэдээлсэн.
Тодруулбал, нэгдүгээр сарын 8-ны 17:00 цагийн орчим сураггүй болж, тухайн хэргийн дуудлагыг нэгдүгээр сарын 9-ний 01:15 цагт хүлээн авчээ.
Тус аймгийн Онцгой байдлын газрын Эрэн хайх, аврах салбарын алба хаагчид, Булган сумын Засаг даргын Тамгын газрын ажилтнууд, ар гэрийнх нь хамтаар эрэн хайх ажлыг эхлүүлсэн юм.
Улмаар өчигдөр 15:25 цагт Ихтамир сумын Хан-Өндөр багийн Их-Өлөнт гэх газарт төөрсөн явж байхад нь эсэн мэнд олжээ.
Иргэний биеийн байдал хэвийн байгаа ажээ. Түүнийг Булган сум дахь Цагдаагийн хэсгийн мөрдөгчид хүлээлгэн өгсөн байна.