Өвөлжилт хүндэрсэн Төв аймгийн зарим суманд иргэдийн зорчих хөдөлгөөнийг нээж зам давааны цасыг арилгах, малчдад өвс тэжээл хүргэх ажлыг зохион байгуулахад зориулан зэвсэгт хүчний 016 дугаар нэгтгэлээс ЗИЛ-131 маркийн автомашиныг ажиллуулж байна.
Зудын эрсдэлийн үнэлгээгээр Баянхангай сумын нийт нутаг, Баяндэлгэр сумын ихэнх хэсэг, Эрдэнэ, Архуст, Баян, Дэлгэрхаан сумын нэлээд газар, Сэргэлэн, Баянцагаан, Баянжаргалан, Бүрэн, Эрдэнэсант, Баянчандмань сумын зарим нутаг зудын их эрсдэлтэй гарсан байна.
Мөн суманд цасны зузаан 22 см, Мөнгөнморьт, Баян, Алтанбулаг сумдаар 8-12 см, бусад сумдын нутгаар 2-6 см зузаан цастай байна.
Иймд тус аймгийн өвөлжилт хүндэрсэн Баяндэлгэр, Эрдэнэ, Архуст суманд иргэдийн зорчих хөдөлгөөнийг нээж зам, давааны цасыг арилгах, малчдад өвс тэжээл хүргэх ажлыг зохион байгуулахад зориулан аймгийн Засаг даргаас Батлан хамгаалахын сайдад хүсэлт тавьсны дагуу Батлан хамгаалахын сайд болон ЗХЖШ-ын даргын тушаалаар Зэвсэгт хүчний 016 дугаар нэгтгэлийн Гамшгийн хор уршгийг арилгах, дэмжлэг үзүүлэх бүлгийн томилгоот гурван нэгж ЗИЛ-131 маркийн автомашиныг энэ сарын 8-наас 20-ныг хүртэл ажиллуулахаар болжээ.