Нүүрсний асуудлаарх нээлттэй сонсгол өнөөдөр /2022.12.21/ өглөө эхэлсэн. Сонсголоор нүүрсний олборлолт, тээвэрлэлт, экспорттой холбоотой асуудлаар хууль хяналтын байгууллага болон албаныханы танилцуулга, мэдээллийг сонсож, хэлэлцэх юм.
Хурлын танхимын урд хэсэгт хууль хяналтын байгууллагын болон бусад албаныхан суусанд АН-ын гишүүн Б.Энхмөнх тэргүүтэй залуусын зүгээс бухимдлаа илэрхийлж, эл хурлаа “Жанжин Д.Сүхбаатар” танхимд бус Их танхимд зохион байгуулж, иргэд жагсагчид нэг дор сууж байр сууриа илэрхийлэх хэрэгтэй гэх санал гаргаснаар хурал даргалагч С.Чинзоригийн зүгээс эл саналыг Ажлын хэсэгтэй ярилцахаар 10 минут завсарлууллаа.