Манай улсад Омикроны шинэ дэд хувилбар BF.7 гадаадын нэг хүнд, BQ.1.2 Монгол Улсын 5 хүнд илэрснийг ХӨСҮТ өнөөдөр мэдээллээ.
Омикроны шинэ дэд хувилбар BQ.1.2 сорьцод эерэг гарах хувь нь 0.42 байна. 40-49 насныхны дунд тархалт их. Дамжих тархах хурд бусад хувилбарын адил өндөр. Нууц үеийн хугацаа богино.
Илрэх шинж тэмдэг:
- Ядрах
- Халуурах
- Чичрүүдэс хүрэх
- Ханиалгах
- Амьсгал давчдах.
Уг хувилбар дархлаанаас бултах чадвартай байж болзошгүйг таамагласан байна.
BQ.1.2 хувилбар оношлогдсон таван хүний хоёрт нь эмнэл зүйн шинж тэмдэг илрээгүй. Гурван хүнд нь халуурах, хоолой хөндүүрлэх, сэрвэгнэх шинж тэмдэг давамгайлжээ.
Шинэ хувилбараар өвдсөн иргэдээс дөрөв нь Ковид-ын халдвараар өвдөж байсан. Үүнээс харвал давтан халдвар авах эрсдэл байгааг ХӨСҮТ-ийн дарга мэдээллээ.