Өнөөдөр сансарт хөөргөсөн нисгэгчгүй пуужин нь цааш аяллаа үргэлжлүүлэх боломжгүй болж, газарт унах аюул үүссэн тул “өөрийгөө устгах” заавар өгсөн тухай Японы сансар судлалын байгууллага JAXA мэдээлжээ.
Гурван үе шаттай хөөрдөг Epsilon нэртэй энэ пуужин дэлхийн тойрог замд хэд хэдэн хиймэл дагуул байрлуулах зорилготой байсан юм.
“Пуужин нислэгээ хэвийн үргэлжлүүлэх боломжгүй болсноор газарт унах аюул үүслээ. Тиймээс бид болзошгүй аюулаас сэргийлэх үүднээс өөрийгөө устгах дохиог пуужин руу илгээсэн” гэж JAXA-гийн албаны хүн мэдээлжээ.
Япон улсын пуужин амжилтгүй хөөрсөн явдал хамгийн сүүлд 2003 онд тохиож байсныг NHK болон бусад хэвлэлүүд мэдээлж байна.
JAXA хатуу түлштэй Epsilon пуужинг 2013 оноос хойш ашиглаж эхэлжээ. Epsilon-ий өмнөх “M-5” загварын пуужин хэтэрхий өндөр зардалтай болсон тул 2006 онд ашиглалтаас гаргаж байсан юм.
Эх сурвалж: AFP