Манай улс оны эхнээс 1,112.4 мян.тн зэсийн баяжмал экспортолсон нь өнгөрсөн оны мөн үеийнхээс 7 хувиар нэмэгдэв. Харин төмрийн хүдэр баяжмалын тухайд оны эхнээс 3,449.4 мян.тн-ыг экспортолсон нь өнгөрсөн оны мөн үеийнхээс 43 хувиар багассан байна.
Есдүгээр сарын 30-аас энэ сарын 6-ны өдрүүдэд өдөрт дунджаар 744 автомашин, 839 чингэлэг тээвэр хийжээ. Тайлант хугацаанд 695.5 мян.тн нүүрс экспортод гаргасан нь өмнөх оны мөн үеийнхээс 2 дахин нэмэгдлээ. Оны эхнээс 19,502.7 мян.тн нүүрс гаргаснаар нүүрс экспорт өмнөх оны мөн үеийн хэмжээнээс 6,902.9 мян.тн-оор буюу 55 хувиар нэмэгдсэнийг УУХҮЯ мэдээлэв.
Төв банк оны эхнээс 10 дугаар сарын 6-ны өдрийн байдлаар 15 тонн алт худалдан авчээ.
Эрдэс бүтээгдэхүүний экспорт дунджаар 76.4 хувийн гүйцэтгэлтэй байна. Тухайлбал, нүүрс 108.3, зэсийн баяжмал 91.7, төмөр 68.2, алт 75, газрын тос 42.2, цайр 111.9, хайлуур жонш 37.6 хувь байгаа аж.