Нийслэлийн өвлийн бэлтгэл хангахад 27 чиглэлийн 1106 ажил хийхээр төлөвлөсөн нь 92 хувь хэрэгжилттэй байна. Мөн 2719 тн давс, 2160 тн бодис нөөцөлж, нэмэлтээр 500 тн давс, 2000 тн бодис авсан бөгөөд тусгай зориулалтын 35 тээврийн хэрэгслийг давс, бодис цацахад ашиглахыг нийслэлийн Удирдах ажилтнуудын зөвлөгөөний үеэр мэдээлэв.
Улаанбаатар хотод улс, нийслэл, орон нутгийн сангийн хөрөнгөөр 2017-2022 онд 200 блок угсармал орон сууц дулаалжээ. Харин ашиглалтын шаардлага хангахгүй 344 орон сууц бий. Эдгээрийн 170-ыг дахин барих шийдвэр гарснаас 97 барилгад гүйцэтгэгч шалгараад байгаагаас гадна 2703 өрхийн 21 барилга ашиглалтад оруулжээ.
Эрүүл мэндийн 26 байгууллагад их болон урсгал засвар хийж, 14 сургууль, цэцэрлэгийн барилгад засвар хийснээс гүйцэтгэл 95 хувьтай байна. Төсвийн хэмнэлтийн тухай хууль, түүний биелэлтийг хангах хүрээнд 40 байгууллагын 96 тээврийн хэрэгслийг татан төвлөрүүлжээ.